Qlobal bazara neftin fasiləsiz axınını təmin etmək üçün ABŞ Maliyyə Nazirliyi Hindistan neft emalı zavodlarına Rusiya neftini almaq üçün müvəqqəti 30 günlük icazə tətbiq edir. Korrekt.az xəbər verir ki, ABŞ Maliyyə Naziri Skott Besant bu barədə sosial mediada yazıb.
“Bu qısamüddətli tədbir Rusiya hökumətinə əhəmiyyətli maliyyə faydası gətirməyəcək, çünki artıq dənizdə olan neftlə bağlı əməliyyatlara imkan verir. Hindistan ABŞ-ın vacib tərəfdaşıdır və biz Nyu-Dehlinin Amerika neftinin alışını artıracağını gözləyirik. Bu müvəqqəti tədbir İranın qlobal enerji bazarını ələ keçirmək cəhdlərinə təzyiqi azaldacaq”, – deyə o qeyd edib.
Daha əvvəl Tramp Yeni Dehlinin ABŞ ilə ticarət müqaviləsi müqabilində Rusiyadan neft almaqdan imtina etdiyini bildirmişdi, baxmayaraq ki, Hindistan hakimiyyəti bunu təsdiqləməyib.
