Braziliyanın Belem şəhərində BMT-nin İqlim Dəyişikliyi üzrə Çərçivə Konvensiyasının (COP-30) 30-cu Tərəflər Konfransının keçirildiyi yerdə danışıqlarçılar sazişi imzalamağa hazırlaşarkən yanğın baş verib.
Korrekt.az xəbər verir ki, Reuters agentliyinə istinadən verdiyi məlumata görə , konfransın bütün iştirakçıları binadan təxliyə edilib.Noyabrın 20-də günorta saatlarında sərgi pavilyonlarından birində yanğın baş verib. 13 nəfər tüstüdən zəhərlənərək həkimə müraciət edib; onlara yerindəcə tibbi yardım göstərilib.Yanğınsöndürənlər yanğının böyük ehtimalla elektrik cihazından, ola bilsin ki, mikrodalğalı sobadan baş verdiyini deyirlər. Altı dəqiqə ərzində yanğının qarşısı alınıb.
Noyabrın 10-dan 21-dək baş tutacaq konfransda 200-ə yaxın ölkədən nümayəndələr iştirak edir. Braziliya iqlimlə bağlı fəaliyyətin genişləndirilməsi və bu fəaliyyətlər üçün maliyyənin artırılması nəzərdə tutulan saziş hazırlayıb. Əsas müzakirə mövzularından biri qalıq yanacaqlardan uzaqlaşmaq idi.Ermənistanın ətraf mühit naziri Hambardzum Matevosyan ÇNL-30 konfransında iştirak etmək üçün Braziliyadadır.
