Rusiya xarici işlər nazirinin müavini Sergey Ryabkov, Türkiyə Prezidenti Rəcəb Tayyib Ərdoğanın taxıl dəhlizi sazişinin uzadılmasını müzakirə etmək niyyəti ilə bağlı verdiyi sualı cavablandırıb və bildirib ki, taxıl müqaviləsinin müddəti artıq başa çatıb.
Korrekt.az xəbər verir ki, Ryabkov qeyd edib ki, taxıl müqaviləsinin müddəti sona çatıb və bu, artıq əksər beynəlxalq məsələlərdə olduğu kimi, ərzaq təhlükəsizliyi sahəsində də səmərəli və effektiv səylərin göstərilməsinin vacibliyini ortaya qoyur. O, Avropa İttifaqının kvazihumanitar yanaşmasını tənqid edərək, Aİ-nin ərzaq bazarlarını sabitləşdirməyə kömək etməkdə kifayət qədər uğurlu olmadığını vurğulayıb.
Ryabkov əlavə edib ki, Avropa İttifaqı, xüsusilə Rusiyadan qida məhsullarını əldə etməyə ehtiyacı olan ölkələr üçün bir neçə sazişin icrasını sadəcə olaraq pozdu. Bu, əslində, həmin ölkələrin ərzaq təminatında ciddi problemlərə yol açıb.
