ABŞ prezidenti Donald Tramp Ağ Ev yaxınlığında Milli Qvardiya üzvlərinə hücum edən Əfqanıstan vətəndaşının ölkəyə necə daxil olması ilə bağlı verilən sualı cavablandırarkən jurnalisti “axmaq” adlandırıb. Korrekt.az xəbər verir ki, bu barədə Associated Press (AP) məlumat yayıb.
Hadisə Trampın hərbi bazalarla Şükran Günü üzrə videobağlantı tədbirindən sonra baş verib. Jurnalist ABŞ liderindən soruşub ki, nə üçün o, Ağ Evə hücumda şübhəli bilinən əfqan şəxsin ABŞ-a keçmiş prezident Co Bayden administrasiyası dövründə lazımi yoxlamadan buraxıldığına inandığını düşünür.
Tramp sualı cavablandırarkən jurnalisti sərt şəkildə tənqid edib: “Sən sadəcə axmaq adam olduğun üçün bu sualı verirsən”, – deyə o bildirib.
Dövlət başçısı daha sonra Bayden administrasiyasını miqrasiya siyasətinə görə ittiham edərək əlavə edib: “Çünki onları içəri buraxdılar. Sən axmaqsan? Axmaq adamsan? Onlar burada olmamalı olan minlərlə başqa insanla birlikdə təyyarələrə miniblər.”
