Macarıstanın baş naziri Viktor Orban Rusiya ilə bağlı Qərbdə səslənən ehtimalları tənqid edib. Korrekt.az xəbər verir ki, o, MD Meets podkastına müsahibəsində bildirib ki, Rusiya nə indi, nə də gələcəkdə Avropanın siyasi səhnəsindən yox olacaq bir aktor deyil.
“Biz rusları tanıyırıq və onların burada qalmaq üçün burada olduqlarını bilirik. Əgər kimsə onların Avropanın siyasi səhnəsindən yox olacağını düşünürsə, bu, sadəcə axmaqlıqdır”, — Orban deyib.
Baş nazir əlavə edib ki, Macarıstanın milli təhlükəsizliyini təmin edən strateji balans üç əsas mərkəz — Moskva, Berlin və Ankara arasında qurulmalıdır. Onun sözlərinə görə, bu üçbucaq Budapeştin təhlükəsizlik arxitekturasının əsasını təşkil edir.
“Macarıstanın təhlükəsizliyi bu üç istiqamət arasında düzgün həll tapmağımızdan asılıdır. Mən hər üç tərəflə optimal münasibətlər qurmalıyam ki, bu da macarlar üçün qələbə olsun”, — Orban vurğulayıb.
