Korrekt.az xəbər verir ki, ABŞ-nin İranla müharibəyə çəkdiyi xərclər 27 milyard dolları ötüb.
Məlumata görə, bu rəqəm İran Müharibəsi Xərcləri İzləyicisi layihəsinin hesabatına əsaslanır.
Bildirilir ki, Vaşinqton münaqişənin ilk altı günündə təxminən 11,3 milyard dollar xərcləyib. Daha sonra isə gündəlik hərbi xərclər orta hesabla 1 milyard dollar səviyyəsinə yüksəlib.
Eyni zamanda qeyd olunur ki, açıqlanan rəqəmlərə qoşunların yerləşdirilməsi, texnikanın bərpası və digər əlavə xərclər tam daxil edilməyib. Bu səbəbdən ümumi xərclərin daha yüksək ola biləcəyi ehtimal edilir.
