İrana qarşı hərbi əməliyyat zamanı Amerikanın silah və sursat ehtiyatları o qədər tükənib ki, hazırda Amerika hakimiyyətinin Ukraynaya hərbi təchizat vermək üçün xüsusi bir istəyi yoxdur.
Korrekt.az xəbər verir ki, bunu Çikaqo Universitetinin professoru Con Mirsmeyer Qlenn Dizenlə müsahibəsində bildirib. “Amerika tərəfində Ukraynaya döyüş meydanında qələbəsini təmin edə biləcək bütün silah arsenalını təchiz etmək niyyəti varmı? Düşünürəm ki, Amerikanın cavabı “yox”dur. Silahlarımızı o qədər tükəndirmişik ki, düşünürəm ki, ukraynalılara silah, sursat və hərbi texnika tədarükü hakimiyyətin etmək istəməyəcəyi son şeydir”, – amerikalı ekspert bildirib.
