Azərbaycan Türkiyə ilə birgə “SİVRİSİNEK” adlı pilotsuz uçuş aparatı istehsal edəcək.
Korrekt.az xəbər verir ki, bu barədə Türkiyənin müdafiə şirkəti Baykarın baş direktoru Haluk Bayraktar İstanbulda keçirilən SAHA 2026 müdafiə, aviasiya və kosmik sənaye sərgisində bildirib.
O qeyd edib ki, SAHA 2026 sərgisində təqdim olunan bütün PUA-lar, o cümlədən “SİVRİSİNEK” Azərbaycan zavodlarında istehsal olunacaq.
Onun sözlərinə görə, kompakt PUA əsasən yerüstü hədəfləri vurmaq üçün nəzərdə tutulub və müasir hərbi texnologiyadır.
Pilotsuz uçuş aparatının uzunluğu təxminən 3,8 metr, qanadlarının açıq hissəsi isə 3,2 metrdir. Maksimum uçuş müddəti 8-9 saat, sürəti isə saatda təxminən 55 kilometrdir.
