“Dəvət olunarsa və fürsət yaranarsa, Azərbaycana səfər edəcəyəm və bütün qonşu ölkələrin nümayəndələrini Ermənistana dəvət edəcəyəm.” Korrekt.az xəbər verir ki, bunu iyunun 1-də İctimai Televiziyada Ermənistan Parlamentinin spikeri Alen Simonyan bildirib.
“Bir sirri aça bilərəm, bu yaxınlarda Azərbaycanda forum keçirildi və Azərbaycanlı həmkarım məni Azərbaycana səfərə dəvət etdi. Amma təəssüf ki, seçki kampaniyası səbəbindən forumun işində iştirak edə bilmədim”, – deyə Simonyan qeyd edib.
O əlavə etdi ki, siyasətçilər sülh üçün məsuliyyət daşımalıdırlar.
