Çay faydalı içkidir. İnsanın ürək-damar sisteminə müsbət təsir göstərə bilər. Bununla belə, mülayimliyə riayət etmək vacibdir. Əgər fərdi xüsusi göstəriş və ya məhdudiyyət yoxdursa, gündə 3-5 stəkan çay faydalıdır. Korrekt.az xəbər verir ki, bunu rusiyalı mütəxəssis Anastasiya Yefimova bildirib. “Çayın müntəzəm və davamlı qəbulu ürək-damar xəstəliklərindən və ya insultdan ölüm ehtimalını əhəmiyyətli dərəcədə azaldır.
İnsanın yaşıl və ya qara çay içməsinin fərqi yoxdur. Faydaları müxtəlif elmi tədqiqatlarla təsdiqlənib. Bununla belə, insanın kofeinə nə qədər həssas olduğunu və hər hansı xüsusi məhdudiyyətlərin və ya göstərişlərin olub-olmadığını unutmaq olmaz.
Məsələn, yuxu pozğunluğu olanlara günün ikinci yarısında çay içmək tövsiyə edilmədiyi məlumdur. Eyni zamanda, həddindən artıq çay içmək zərərli ola biləcəyi üçün mülayimliyə riayət etmək lazımdır. Mütəxəssis qeyd edib ki, bir fincan çayın tərkibində 30-50 milliqram kofein var və əgər insan gündəlik həddindən artıq çay içərsə, narahatlıq, ürək problemləri və yuxusuzluqla qarşılaşa bilər.
Yefimovanın sözlərinə görə, çay içmək və yemək anlarının insan üçün fərqli olması arzuolunandır, çünki çayın mənimsənilməsini ləngidə və ya hətta maneə törədə biləcəyi maddələr var.
