Azərbaycanlı iş adamı Qod Nisanova məxsus Moskvanın Şolkoviskaya prospektindəki “Mandarin” Ticarət Mərkəzində insident baş verib.
Gununsesi.info-nun əldə etdiyi xəbərə görə, kriminal aləmdə “Zayka” kimi tanınan Azərbaycan əsilli Zaur Əliyev və onun qardaşı Azər Əliyev çoxsaylı tərəfdarları ilə həmin ticarət mərkəzində fəaliyyət göstərən iş adamları qarşısında tələb qoyub.
Bu tələbə görə bazarda obyekt işlədən azərbaycanlılardan pul tələb olunub.
Buna etiraz edənlər isə ölümlə hədələnib.
Tələb irəli sürən şəxslər bundan sonra ticarət mərkəzində çalışan şəxslərin onların nəzarətində olacağını və hər ay onlara pul verməli olduqlarıni bəyan edib.
Təqdim etdiyimiz video görüntülərdə bu tələbi irəli sürən şəxslərin bazarda dolaşdığı görünür.
Onu da xatırladaq ki, bu dəstə Moskvanın məşhur Food Sity bazarında çalışan Şəmkirdən olan iş adamı Cəlal Məmmədovdan da pul tələb edib. O, bundan imtina etdiyi üçün öz evinin qarşısında ölümcül döyülüb.
Növbəti dəfə ölümlə təhdid olunan Cəlal Məmmədov qarşı təfərə külli miqdarda pul verərək öz canını xilas edib.
Dəstə üzvləri, həmçinin, Rusiyada çalışan digər azərbaycanlı iş adamları Qalib və Arzu adlı qardaşları da təhdid edib.
2014-cü ildə qardaşlardan biri oğurlansa da, sonradan Rusiyanın hüquq-mühafizə orqanları bu cinayətin üstünü açdı.
Zaur Əliyev və qardaşı bu işə görə həbsə girsə də, 2021-ci ildə Ukrayna ilə müharibəyə yollamaq adı ilə azadlığa çıxa bilib.
Kriminal aləmin hədəfində olan Qalib və Arzu qardaşları isə Rusiyadan Azərbaycana qayıdaraq, Qarabağda kənd təsərrüfatı biznesini qurub.
