Azərbaycanın Milli Qəhrəmanı Əlabbas İsgəndərovun anası dünyasını dəyişib.
Korrekt.az xəbər verir ki, mərhum Ağdam rayonunun Kürdlər kənd qəbiristanlığında torpağa tapşırılıb.
Qeyd edək ki, Əlabbas Qara oğlu İsgəndərov 1958-ci il iyulun 25-də Ağdam rayonunun Kürdlər kəndində anadan olub. O, 1991-ci ildə Ağdam özünümüdafiə batalyonuna könüllü qoşulub.
Milli Qəhrəman 1992-ci ildə Umudlu kəndində mühasirədə qalan 40-a yaxın döyüşçünün xilas edilməsində böyük qəhrəmanlıq göstərib. O, həmin il martın 4-də Qazançı kəndi uğrunda gedən döyüşlərdə şəhid olub.
Göstərdiyi igidliyə görə Azərbaycan Respublikası Prezidentinin 13 avqust 1992-ci il tarixli fərmanı ilə Əlabbas İsgəndərova ölümündən sonra “Azərbaycanın Milli Qəhrəmanı” adı verilib.
Allah rəhmət eləsin!Musavat.com
