Rusiya prezidenti Vladimir Putinin mətbuat katibi Dmitri Peskov bildirib ki, Moskva Ukrayna münaqişəsinin sülh yolu ilə həllinə hazırdır, lakin Kiyev ciddi danışıqlardan imtina edərsə, müharibə davam edəcək.
Korrekt.az xəbər verir ki, Kreml sözçüsünün sözlərinə görə, Rusiya sistematik olaraq Ukraynadakı yalnız hərbi infrastrukturu hədəf alır. O, həmçinin vurğulayıb ki, əgər Kiyev qəsdən uşaqlara qarşı terror hücumlarına əl atırsa, bu, tamamilə fərqli bir münaqişə modeli deməkdir.
Peskov həmçinin bildirib ki, Ukrayna prezidenti Volodymyr Zelenski Ukrayna silahlı qüvvələrinə Rusiya bölgələrini tərk etməyi əmr edərsə, Ukrayna münaqişəsi bu gün başa çata bilər.
Bundan əlavə, Kremlin sözçüsü qeyd edib ki, sülh prosesindəki fasilədən sonra Rusiya ilə ABŞ arasında əlaqələr davam edir.
