Korrekt.az xəbər verir ki, ABŞ dövlət katibi Marko Rubio Fox News-a verdiyi müsahibədə bildirib ki, İrana qarşı müharibə bitdikdən sonra ABŞ NATO ilə münasibətlərini “yenidən nəzərdən keçirməli” olacaq.
“Düşünürəm ki, bu münaqişə bitdikdən sonra bu münasibətləri yenidən nəzərdən keçirməli olacağımıza şübhə yoxdur. NATO-nun ölkəmiz üçün əhəmiyyətini yenidən nəzərdən keçirməliyik”, – deyə dövlət katibi bildirib.
O, həmçinin əlavə edib ki, son qərarı prezident Donald Tramp verməlidir.
Rubionun sözlərinə görə, Senatda olduğu müddətdə o, “NATO-nun ən qızğın müdafiəçilərindən biri olub”, çünki ittifaq dünyada “böyük dəyər təmsil edib”.
O qeyd etdi ki, bu dəyər əsasən Avropada Amerika hərbi bazalarının mövcudluğu ilə bağlıdır və bu, ABŞ ordusuna “gücünü dünyanın müxtəlif yerlərinə yaymağa” imkan verirdi.
“Əgər NATO üzvlüyünün artıq bu bazalardan Amerika maraqlarını müdafiə etmək üçün istifadə edə bilməyəcəyimiz bir nöqtəyə çatdığı təqdirdə, NATO birtərəfli hərəkət yoluna çevrilib”, – deyə o bildirib.
Rubionun sözlərinə görə, Vaşinqton NATO müttəfiqlərindən İrana qarşı müharibənin bir hissəsi olaraq hava hücumları həyata keçirmələrini istəməyib, amma: “Onların hərbi bazalarından istifadə etməyimizə icazə vermələrinə ehtiyacımız olduğu və cavablarının “yox” olduğu halda, niyə NATO-dayıq? Bu sualı verməlisiniz.”
Bundan əvvəl bir neçə Avropa ölkəsi Amerika ordusunun öz ərazilərindəki bazalardan istifadəsini qadağan etmişdi.
Xüsusilə, İtaliya Yaxın Şərqə uçan ABŞ təyyarəsinin eniş etməsinə icazə vermədi. Bazar ertəsi günü isə İspaniya öz hava məkanını İrana qarşı missiyalar yerinə yetirən ABŞ təyyarələri üçün bağladı.
