Associated Press agentliyinin məlumatına görə, ABŞ prezidenti Donald Tramp İran milli futbol komandasının Dünya Kubokunda iştirakı məsələsinə Oval kabinetdə toxunaraq bildirib: “Qoy oynasınlar”.
Korrekt.az xəbər verir ki, agentliyin vurğuladığı kimi, bu, bir neçə həftə əvvəl ABŞ prezidentinin İran milli komandasını Dünya Kuboku üçün ölkəyə gəlməmək barədə xəbərdar etdiyindən tamamilə fərqli bir tondur.
FİFA prezidenti Canni İnfantino cümə axşamı keçirilən futbol qurumunun illik konqresində İranın iyun ayında başlayacaq turnirdə iştirak edəcəyini vurğulamışdı.
Tramp Oval Ofisdə jurnalistlərə deyib: “Qulaq asın, bilirsiniz nə? Qoy onlar yaxşı oynasınlar”.
ABŞ prezidenti həmçinin İnfantinoya qarşı dostcasına münasibətini vurğuladı: “Əgər Canni belə deyirsə, etiraz etmirəm”, – deyə Tramp qeyd etdi.
İran millisi Dünya Kuboku yarışlarına iyunun 15-də Kaliforniyanın İnqlvud şəhərində Yeni Zelandiyaya qarşı başlayacaq.
