Bu gün ABŞ prezidenti Donald Tramp İranla iki həftəlik atəşkəs barədə razılığa gəldikdən bir neçə saat sonra Yaxın Şərqdə “qızıl dövr”ün başlaya biləcəyini və İranın yenidən qurulmasına ümid etdiyini bildirib.
Korrekt.az xəbər verir ki, bununla bağlı, o, özünün “Truth Social” platformasında paylaşım edərək yazıb:
“Dünya sülhü üçün əla bir gün! İran bunun baş verməsini istəyir, kifayətdir! Hamı da belə edir! ABŞ Hörmüz boğazında nəqliyyatın artmasına kömək edəcək. Çoxlu müsbət addımlar atılacaq! Çoxlu pul olacaq. İran yenidənqurma prosesinə başlaya bilər. Hər cür təchizatı təmin edəcəyik və hər şeyin uğurlu getməsini təmin etmək üçün sadəcə gözləyib görəcəyik. Əminəm ki, bu baş verəcək. ABŞ-də yaşadığımız kimi, bu da Yaxın Şərqdə qızıl dövr ola bilər!”
Bu arada, müvəqqəti iki həftəlik atəşkəs elan olunduqdan sonra Pakistan cümə günündən etibarən sülhə nail olmaq məqsədilə Tehran və Vaşinqton arasında danışıqlara ev sahibliyi edəcəyini açıqlayıb.
