Böyük Britaniyada son on ildə siyasi mənzərə dəfələrlə dəyişsə də, Dauninq küçəsinin ən məşhur sakini öz yerində qalmağa davam edir.
Korrekt.az xəbər verir ki, Baş nazir iqamətgahının pişiyi Larri 10 il ərzində 6 fərqli baş nazirin dövrünü görərək, Britaniya siyasətinin “sabit simvolu”na çevrilib.
2011-ci ildə Londondakı Battersi Heyvan Sığınacağından Dauninq küçəsinə gətirilən Larri rəsmi olaraq “Kabinet Ofisinin Baş Siçan Ovçusu” vəzifəsini daşıyır. O, bu illər ərzində ardıcıl olaraq Devid Kemeron, Tereza Mey, Boris Conson, Liz Truss, Rişi Sunak və Kir Starmerin rəhbərliyi altında “xidmət göstərib”.
19 yaşlı pişik bu illər ərzində Dauninq küçəsini tərk etməyib və hələ də iqamətgahın gündəlik həyatının ayrılmaz hissəsi olaraq qalır.
Britaniya mətbuatında tez-tez “Dauninq küçəsinin əsl sahibi” kimi təqdim edilən Larri təkcə siçan ovlaması ilə deyil, həm də rəsmi tədbirlərdə və xarici qonaqların qarşılanmasında kameralar qarşısına çıxması ilə tanınır.
Hökumətlər dəyişsə də, Dauninq küçəsinin qara qapısının qarşısında dəyişməyən bir ad var: Larri.qafqazinfo.az
