Britaniya Dəniz Ticarət Təşkilatı (UKMTO) Hörmüz boğazında, Omandan təxminən 15 dəniz mili məsafədə bir konteyner gəmisinə hücum edildiyini açıqlayıb.
Korrekt.az xəbər verir ki, SEPAH-a məxsus artilleriya kateri heç bir xəbərdarlıq etmədən konteyner gəmisinə yaxınlaşıb və atəş açıb.
Hücum nəticəsində gəminin körpüsünə ciddi ziyan dəyib. Gəmi kapitanı hadisə zamanı gəminin bir hissəsinin ciddi zədələndiyini bildirib. Bununla yanaşı, heyət üzvlərinin hamısının təhlükəsiz olduğu qeyd olunub.
