Anlaşma memorandumunun imzalanmasından sonra ABŞ-İran danışıqlarının 60 günü ərzində gəmilərin Hörmüz boğazından pulsuz keçməsinə icazə veriləcək.
Korrekt.az xəbər verir ki, bunu ABŞ-ın vitse-prezidenti C.D. Vens NBC News-a verdiyi müsahibədə deyib:
“Sazişdə deyilir ki, son razılaşmanı yekunlaşdırdığımız müddətdə – 60 gün ərzində Hörmüz boğazına giriş və çıxış pulsuz olacaq”.
Vensin sözlərinə görə, Vaşinqton yekun razılaşma imzalandıqdan sonra belə su yolundan keçidin pulsuz qalacağını gözləyir.
“Danışıqlar zamanı sual yarandı: gəmi xarab olsa necə olar? Gəminin yedəklənməsi lazım gələrsə, xidmət haqqı olacaqmı? Bu, tamamilə fərqli bir sualdır. Bəlkə də iranlıların ağlında olan budur. Yenə də onlara aydın şəkildə bildirdik ki, gəmilərin Hörmüz boğazından keçməsi üçün ödəniş tələb edən bir sistemə dözməyəcəyik”.Musavat.com
