Ukrayna Ali Antikorrupsiya Məhkəməsi Ukrayna Prezident Administrasiyasının keçmiş rəhbərinin müavini İrina Mudryanın girov müqabilində azadlığa buraxılması ehtimalı ilə 60 gün müddətinə həbs olunması barədə qərar qəbul edib.
Eyni zamanda, məhkəmə alternativ olaraq 20 milyon qrivna məbləğində girov müəyyən etdi.
Korrekt.az xəbər verir ki, məhkəmə iclası zamanı prokurorluq şübhəlinin 150 milyon qrivna məbləğində girov müqabilində həbs olunmasını istəyib. Xüsusilə, prokuror Mudrayanın gizlənmə riskini qeyd edib.
Prokuror bildirib ki, İrina Mudrayanın 250 milyon qrivnadan çox dəyərində aktivləri ola bilər. Onun sözlərinə görə, buraya qiymətli kağızlar, zərgərlik məmulatları, nəqliyyat vasitələri, daşınmaz əmlak və mülkiyyət hüquqları daxildir.
Məhz buna görə də prokurorluq Mudraya üçün 150 milyon qrivna girov tələb edib. Onun əmlakına 8 milyon qrivnadan çox dəyəri olan 57 kvadratmetrdən çox sahəsi olan mənzil, dayanacaq və yarımçıq tikinti sahəsi daxildir.
