Rusiya ilə Ermənistan arasında son günlər yaşanan kəskin siyasi gərginlik diplomatik münasibətlərin tamamilə qırılma nöqtəsinə gəlməsinə səbəb olub.
Rusiyanın Ermənistandakı fövqəladə və səlahiyyətli səfiri Sergey Kopırkin rəsmi Moskva tərəfindən təcili olaraq məsləhətləşmələr üçün geri çağırılıb.
Rusiya Xarici İşlər Nazirliyinin rəsmi saytında dərc olunan bəyanatda bu qəti addımın səbəbləri açıq şəkildə bəyan edilib.
Sənəddə qeyd olunur ki, səfirin geri çağırılması Ermənistan rəhbərliyinin son dövrlər Avropa İttifaqı ilə yaxınlaşmaq istiqamətində atdığı birtərəfli addımlarla birbaşa bağlıdır.
Rəsmi Moskva bəyan edib ki, İrəvanın Qərbə doğru yönələn bu siyasəti Avrasiya İqtisadi İttifaqı çərçivəsində tərəflər arasındakı mövcud qarşılıqlı müttəfiqlik və əməkdaşlıq münasibətlərinə çox ciddi və bərpaedilməz zərbə vurur.
Siyasi ekspertlər Rusiya XİN-in bu addımını yaxın günlərdə Ermənistana qarşı tətbiq olunacaq daha sərt siyasi və iqtisadi sanksiyaların ilk rəsmi xəbərdarlığı kimi qiymətləndirirlər.Musavat.com
