ABŞ Prezidenti Donald Tramp İranın zənginləşdirilmiş uran ehtiyatının geri alınmasının “uzun və çətin bir proses” tələb edəcəyini ifadə edib.
Korrekt.az xəbər verir ki, Tramp aprelin 20-də verdiyi açıqlamada 2025-ci ilin iyun ayında İranın nüvə obyektlərinə məhv etmək üçün göstəriş verdiyi hücumlara toxunaraq, “Gecə Yarısı Çəkic Əməliyyatı (Operation Midnight Hammer) İrandakı nüvə tozu obyektlərinin tamamilə və mütləq şəkildə məhv edilməsi idi” ifadələrini işlədib.
ABŞ Prezidenti uzun müddətdir ki, hücumların İranın nüvə proqramını “yox etdiyini” müdafiə edir; son vaxtlar isə uran ehtiyatını “toz” kimi xarakterizə edir. Tramp “Buna görə də onu çıxarmaq uzun və çətin bir proses olacaq” deyə qeyd edib.
Trampın bu açıqlamaları Pakistanda keçirilməsi ehtimal olunan yüksək səviyyəli görüşlərdən əvvələ təsadüf edir.
Tramp aprelin 26-da danışıqlar üçün ABŞ nümayəndələrinin İslamabada uçacağını elan edib. Ancaq rəsmi Tehran hələlik rəsmi olaraq iştirakını təsdiqləməyib və Hörmüz boğazındakı ABŞ blokadasının qaldırılmasını tələb edib.
Qeyd edək ki, Pakistan 11-12 aprel tarixlərində paytaxt İslamabadda ABŞ və İran arasında 1979-cu ildə diplomatik əlaqələrin kəsilməsindən bəri baş tutan ilk birbaşa yüksək səviyyəli görüşə ev sahibliyi edib, lakin danışıqlar hər hansı irəliləyiş əldə olunmadan başa çatıb.
