Bu gün İranın ali rəhbəri Əli Xameneyi ABŞ–İran münasibətləri ilə bağlı növbəti sərt açıqlama verib. O, iki ölkə arasında 40 ildən artıqdır davam edən gərginliyin səbəbini “Amerikanın İranı nəzarət altına almaq istəyi” ilə izah edib.
Korrekt.az xəbər verir ki, Xameneyi bildirib ki, Vaşinqtonun əsas məqsədi İranı “ram etmək”, yəni siyasi və iqtisadi cəhətdən tam təsiri altına almaqdır. Onun sözlərinə görə, buna mane olan əsas amil isə “cəsur İran xalqı və İslam Respublikasıdır”.
