İranın xarici işlər naziri Abbas Əraqçi dövlət televiziyasına açıqlamasında ölkəsinin hazırda ABŞ ilə birbaşa danışıqlar aparmadığını bildirib.
Korrekt.az xəbər verir ki, Əraqçi bildirib ki, vasitəçilər tərəflər arasında razılığın əldə olunması üçün lazımi zəminin bərpası istiqamətində işlərini davam etdirirlər. Lakin prosesin rəsmən bərpası üçün Vaşinqton administrasiyası anlaşma memorandumunda yol verdiyi pozuntuları aradan qaldırmalı və üzərinə düşən öhdəlikləri yerinə yetirməlidir. Nazirin sözlərinə görə, bu pozuntular bitməyənədək danışıqların yenidən başlaması mümkün görünmür.
