Azərbaycanda müxtəlif işəgötürənlər tərəfindən təqdim olunan 65 mindən çox aktiv vakansiya mövcuddur.
Korrekt.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.
Məlumata görə, hazırda mövcud vakansiyalar üzrə təklif olunan ən yüksək əməkhaqqı 10 000 manat, ən aşağı əməkhaqqı isə 400 manat təşkil edir.
Bildirilib ki, işsiz və ya işaxtaran şəxslər vakansiyalara müraciət etmək üçün Dövlət Məşğulluq Agentliyinin regional məşğulluq filiallarına və ya DOST mərkəzlərinə müraciət edə bilərlər.
Qeyd olunub ki, həmin qurumlarda karyera məsləhətçiləri tərəfindən vətəndaşların məşğulluq imkanları qiymətləndirilir. Qiymətləndirmənin nəticəsinə uyğun olaraq onlara uyğun vakansiyalar təqdim edilir və seçilən vakansiya üzrə müraciətləri rəsmiləşdirilir.
