Bu gün İranın xarici işlər naziri Abbas Əraqçı Tehranda keçirilən Qüds Günü yürüşlərində iştirak edib və ABŞ ilə İsrailin hücumları barədə açıqlama verib.
Nazir bildirib ki, İsrail və ABŞ-nin hücumlarına baxmayaraq, İranın müxtəlif şəhərlərində milyonlarla insan küçələrə çıxaraq ölkəyə, Fələstinə və milli ideallara dəstək nümayiş etdirib.
“Bu gün İranda Qüds Günü qeyd olunur. İsrail və ABŞ rejiminin hücumlarına baxmayaraq, xalqımız Tehranda və digər şəhərlərdə milyonlarla insanla küçələrə çıxaraq İslam Respublikasına və Fələstin xalqına dəstəyini göstərdi. İnşallah, biz eyni güclə davam edəcəyik və düşmənlər İran xalqının gücünü tanımağa məcbur olacaqlar”, – deyə Əraqçı bildirib.
Nazir enerji bazarındakı dəyişikliklərə də toxunaraq qeyd edib ki, neft və enerji qiymətlərinin artması ABŞ və İsrailin bölgədəki addımlarının nəticəsidir. Onun sözlərinə görə, bölgədə yaranan gərginliyə görə məsuliyyət həmin ölkələrin üzərinə düşür.
