1979-cu ildə devrilmiş sonuncu İran şahı Məhəmməd Rza Pəhləvinin oğlu, vəliəhd şahzadə Rza Pəhləvi İrana səfər etməyə hazır olduğunu açıqlayıb.
Korrekt.az xəbər verir ki, o, bu barədə Fox News telekanalına müsahibəsində danışıb.
Pəhləvi bildirib ki, ölkəsində baş verə biləcək dəyişikliklər fonunda mümkün qədər tez İranda olmaq istəyir:
“Mən İrana mümkün qədər tez getməyə hazıram. Bu, rejimin süqutundan əvvəl və ya dərhal sonra baş verməsindən asılı olmayaraq, orada olmaq istərdim”.
Onun sözlərinə görə, həlledici mərhələdə xalqının yanında olmaq vacibdir.
Şahın varisi daha əvvəl Avropa liderlərini İran hakimiyyətinə qarşı genişmiqyaslı ABŞ hərbi əməliyyatına dəstək verməyə çağırmışdı. O qeyd edib ki, Avropa uzun müddətdir gözləyir və artıq qərar verməyin vaxtıdır.
Qeyd edək ki, İran monarxiyası 1979-cu ildə devrilib və o vaxtdan ölkədə İslam Respublikası idarəetmə sistemi fəaliyyət göstərir.
