Ermənistan Azərbaycandan birbaşa qaz tədarükü ehtimalını istisna etmir.
Korrekt.az xəbər verir ki, ölkənin hakim “Mülki Müqavilə” Partiyasından olan parlament üzvü Sarqis Xandanyan bildirib ki, TRIPP layihəsi çərçivəsində boru kəməri də respublika üçün yeni qaz mənbəyinə çevrilə bilər.
Onun sözlərinə görə, Rusiya qazının qiymətinin yenidən baxılması məsələsi ortaya çıxarsa, Yerevan bu barədə Moskva ilə müzakirə edəcək, lakin şaxələndirmə vacibdir. O, həmçinin qeyd edib ki, İrana səfəri zamanı İrandan qaz tədarükünün artırılması müzakirə olunub.
Ermənistan hazırda Rusiya qazını min kubmetr üçün 177,5 dollara alır ki, bu da Avropadakı bazar qiymətindən nisbətən aşağıdır.
