İstanbulun Asiya hissəsində ilk dəfə Bosfor boğazı boyunca yeni metro xətti salınacaq.
Korrekt.az xəbər verir ki, bu barədə Türkiyənin nəqliyyat və infrastruktura naziri Əbdülqadir Uraloğlu bəyanat verib.
“Ümraniyə – Kavacık – Beykoz” metro xətti hazırda avtobuslardan başqa digər ictimai nəqliyyat növlərinin olmadığı sıx məskunlaşmış rayonları bir-birinə bağlayacaq.
17,5 kilometr uzunluğunda olacaq yeni xətt 14 stansiyadan ibarət olacaq.
Bu marşrutdan mövcud pilotsuz M5 xəttinə və tikintisi davam edən M14 xəttinə keçid etmək mümkün olacaq.
Yeni xəttin üç stansiyası İstanbul tarixində ilk dəfə olaraq Boğaz sahilində yerləşəcək.
