Qazax Rayon Mərkəzi Xəstəxanasının mühafizəsinin təmin edilməsi üçün yeni tender elan olunub. Korrekt.az xəbər verir ki, tenderin sifarişçisi Qazax Rayon Mərkəzi Xəstəxanası Publik Hüquqi Şəxsidir.
Sənədlərdə göstərilir ki, xəstəxananın mühafizəsi üçün illik 94.001,16 manat məbləğ təklif olunur. Bu isə aylıq hesablananda təqribən 7.833 manat təşkil edir. Tenderin şərtləri və xərclərin hesablanması ictimaiyyət arasında maraq doğurub.
Hazırda tender proseduru davam edir və qalib şirkət müəyyənləşdikdən sonra xəstəxananın mühafizə xidmətinin hansı qaydada həyata keçiriləcəyi məlum olacaq.
