ABŞ prezidenti Donald Tramp İsrailin baş naziri Binyamin Netanyahunun Türkiyəyə F-35 qırıcı təyyarələrinin satışına etirazlarını rədd edib.
Korrekt.az xəbər verir ki, Tramp Air Force One təyyarəsində jurnalistlərə bildirib ki, “Heç kim mənə nə satmalı olduğumuzu deməyəcək”.
O, Türkiyəni Suriya da daxil olmaqla regional məsələlərdə “çox yaxşı iş görən” “böyük müttəfiq” adlandırıb.
Tramp qeyd edib ki, Ankara “İsrail və ya Netanyahunun böyük fanatı deyil”, lakin Vaşinqtonla Ankara arasında ikitərəfli tərəfdaşlığın güclü olaraq qaldığını vurğulayıb.
Türkiyədə keçirilən NATO sammiti zamanı Tramp Türkiyəyə F-35 qırıcı təyyarələrinin tədarükünü bərpa etməyi mütləq nəzərdən keçirəcəyini açıqladı və Türkiyəni sadiq ölkə adlandırdı.
Türkiyə prezidenti Rəcəb Tayyib Ərdoğan daha əvvəl Trampın Türkiyəyə F-35 qırıcı təyyarələrinin tədarükü ilə bağlı müsbət mövqedə olduğunu bildirmişdi.
