Yunanıstan strateji əhəmiyyətli Souda dəniz bazası ərazisinin müdafiəsini gücləndirmək üçün Karpatos adasından Krit adasına Patriot raketdən müdafiə batareyası köçürüb .
Korrekt.az xəbər verir ki, batareya, şəxsi heyət və avadanlıqlarla birlikdə bazar günü gecəsi köçürülüb. Kompleksin Souda hərbi bazasının ərazisinə yerləşdiriləcəyi gözlənilir.
Bu qərar, İranın yüksək vəzifəli rəsmilərinin Avropadakı Amerika hərbi obyektlərinə qarşı təhdidlərindən sonra verilib. Yunanıstan Müdafiə Nazirliyi və silahlı qüvvələri yüksək hazırlıq vəziyyətindədir.
Yunanıstan hakimiyyəti İran, ABŞ və İsrail arasında artan gərginlik fonunda həyati əhəmiyyətli infrastruktur və hərbi obyektlərə potensial təhdidləri qiymətləndirir.
Müttəfiq kəşfiyyatının məlumatına görə, İran hələ də 2000 km-dən çox mənzilli xeyli sayda ballistik raketə malikdir. Bu, nəzəri olaraq ona Avropanın cənub-şərqindəki hədəfləri vurmağa imkan verir.
“Patriot” batareyası Afinanın ballistik raket təhlükəsinə qarşı müdafiəsini gücləndirmək səylərinin bir hissəsi olaraq mart ayında Karpatosa yerləşdirilib.
Yunanıstan həmçinin Yunanıstan və Kipr obyektlərinə potensial təhdidlərlə bağlı ABŞ və İsraillə əlaqə saxlayır. Bundan əlavə, Afina Sofiyanın rəsmi olaraq müraciət edəcəyi təqdirdə Bolqarıstana hava hücumundan müdafiənin gücləndirilməsində kömək göstərmək imkanlarını müzakirə etməyə hazırdır.
Bu arada, Yunanıstan Səudiyyə Ərəbistanında Patriot batareyasının gələcək istifadəsi ilə bağlı qərar verir. Kompleks 2021-ci ilin sentyabr ayından bəri oradadır və Səudiyyə infrastrukturuna yönəlmiş ballistik raketləri və dronları ələ keçirmək üçün istifadə olunur.
