Son illərdə Azərbaycan gənclərinin həm ölkə daxilində, həm də beynəlxalq səviyyədə əldə etdikləri uğurlar diqqət çəkməyə davam edir. Bu gün dünyanın müxtəlif ölkələrində təhsil alan, çalışan, biznes quran və rəhbər vəzifələrdə fəaliyyət göstərən azərbaycanlıların sayı sürətlə artır. Bir zamanlar yalnız xaricdə təhsil almaq və ya işləmək məqsədilə yola çıxan gənclərimiz bu gün artıq müxtəlif sahələrdə uğurlu karyera quraraq ölkəmizi layiqincə təmsil edirlər.
Mütəxəssislərin fikrincə, uğurun əsas səbəbi yalnız xaricə getmək deyil, doğru istiqamət seçmək, düzgün hazırlıq keçmək və insanın potensialına uyğun hədəflər müəyyənləşdirməkdir.
First Academy şirkətinin rəhbəri Vüsal Qəribov hesab edir ki, son illərdə Azərbaycan gənclərinin xaricdə əldə etdiyi uğurlar təsadüfi deyil:
“Bu gün dünyanın müxtəlif ölkələrində çalışan, təhsil alan və uğurlu karyera quran minlərlə azərbaycanlı gənc var. Onların uğurlarının əsas səbəbi zəhmətkeş olmaları, öz üzərlərində işləmələri və inkişaf etməyə açıq olmalarıdır. Azərbaycan gəncləri kifayət qədər istedadlıdır və düzgün istiqamətləndirildikdə dünyanın istənilən ölkəsində uğur qazana bilirlər.”
Onun sözlərinə görə, xaricdə uğurlu nəticə əldə edən insanların əksəriyyətində ortaq xüsusiyyətlər müşahidə olunur:
“Biz illərdir müxtəlif ölkələrə tələbələr və işçi namizədlər göndəririk. Təcrübəmiz göstərir ki, uğurlu nəticənin əsas sirri doğru planlama, düzgün hazırlıq və real hədəflərdir. İnsan yalnız xaricə getməyi deyil, orada necə inkişaf edəcəyini də planlaşdırmalıdır.”
Vüsal Qəribov bildirir ki, xüsusilə təhsil proqramlarında düzgün seçim gələcək uğurun əsasını təşkil edir.
“Bəzən insanlar yalnız ölkə və ya şəhər seçirlər. Halbuki uğurlu nəticə üçün universitet seçimi, təhsil proqramının məzmunu, gələcək karyera imkanları, yaşayış mühiti və tələbənin şəxsi potensialı birlikdə qiymətləndirilməlidir. Məhz buna görə də First Academy-də hər tələbəyə fərdi yanaşırıq.”
Şirkət rəhbərinin sözlərinə görə, xaricdə uğur qazanan bir çox tələbənin uğur hekayəsinin arxasında məhz doğru universitet və doğru proqram seçimi dayanır.
“Bizim üçün əsas məqsəd tələbəyə sadəcə qəbul almaq deyil. Məqsədimiz onun gələcək həyatına uyğun proqram seçməkdir. Çünki yanlış seçim bəzən illərlə vaxt itkisinə səbəb ola bilər.”
First Academy rəhbəri qeyd edir ki, xaricdə iş proqramlarında da eyni prinsip tətbiq olunur.
“İnsanları sadəcə xaricə göndərmək bizim üçün uğur deyil. Əsas uğur odur ki, həmin insan xaricdə özünü təsdiq etsin, peşəkar inkişaf etsin və gələcək karyerasını qura bilsin.”
Onun sözlərinə görə, şirkətin fəaliyyəti dövründə müxtəlif peşə sahələri üzrə uğurlu nəticələr əldə edən şəxslər olub.
“Vaxtilə xidmət sektorunda fəaliyyət göstərmək üçün xaricə gedən şəxslər bu gün idarəçilik sahəsində çalışırlar. Peşə hazırlığı keçərək xaricə yollanan insanlar bu gün tanınmış müəssisələrdə rəhbər vəzifələr tutur. Aşpazlıq sahəsində hazırlıq keçən şəxslər arasında bu gün peşəkar şef kimi çalışanlar, hətta öz restoran biznesini quranlar var.”
Vüsal Qəribov hesab edir ki, uğurlu nəticələrin arxasında təkcə xaricdəki imkanlar deyil, həm də Azərbaycanda görülən hazırlıq işləri dayanır.
“Bir çox insan yalnız son nəticəni görür. Amma hər uğurun arxasında aylarla davam edən hazırlıq prosesi olur. Dil hazırlığı, peşə hazırlığı, sənədləşmə, müsahibələr, adaptasiya ilə bağlı məlumatlandırma və digər mərhələlər son nəticəyə birbaşa təsir göstərir.”
Şirkət rəhbərinin fikrincə, son illərdə Azərbaycan gəncləri beynəlxalq arenada özlərini daha inamla göstərməyə başlayıblar.
“Bu gün azərbaycanlı gənclər Avropanın, Amerikanın və Asiyanın müxtəlif ölkələrində təhsil alır, çalışır, beynəlxalq layihələrdə iştirak edir və öz sahələrində söz sahibinə çevrilirlər. Bu, həm ölkəmiz, həm də gələcək nəsillər üçün qürurverici haldır.”
First Academy rəhbəri hesab edir ki, gələcəkdə bu uğurlar daha da artacaq:
“Biz inanırıq ki, qarşıdakı illərdə dünyanın müxtəlif ölkələrində uğur qazanan azərbaycanlıların sayı daha da çox olacaq. Bunun üçün əsas şərt düzgün istiqamətləndirmə, keyfiyyətli hazırlıq və insanlara doğru yol göstərməkdir.”
Vüsal Qəribovun sözlərinə görə, First Academy-nin əsas missiyası da məhz budur:
“Bizim məqsədimiz sadəcə xaricə göndərmək deyil. Məqsədimiz insanların həyatında müsbət dəyişiklik yaratmaq, onların potensialını üzə çıxarmaq və gələcək uğurlarına töhfə verməkdir.”
Son olaraq Vüsal Qəribov qeyd edib ki, fəaliyyət göstərdikləri illər ərzində yüzlərlə gəncin həyatında müsbət dəyişikliklərin şahidi olmaq onun üçün ən böyük motivasiya mənbələrindən biridir:
“Bu gün dünyanın müxtəlif ölkələrində təhsil alan, çalışan, rəhbər vəzifələrdə fəaliyyət göstərən və öz biznesini quran azərbaycanlı gənclərin uğurlarını görmək bizim üçün böyük qürur mənbəyidir. Hər bir uğurun arxasında ilk növbədə həmin şəxsin əzmi, zəhməti və öz üzərində çalışması dayanır. Əgər həmin uğur yolunda First Academy olaraq düzgün istiqamətləndirmə, peşəkar dəstək və faydalı töhfə verə bilmişiksə, bu mənim üçün fəaliyyətimizin ən dəyərli nəticəsidir. İşimin ən çox sevdiyim tərəfi də məhz budur – insanların həyatında müsbət dəyişikliklərə şahid olmaq, onların uğur hekayələrinin bir parçasına çevrilmək və bir çox hallarda həmin uğur yolunda First Academy-nin dəstəyinin rol oynadığını görməkdir.”
