El Salvador Hərbi Dəniz Qüvvələrinin həyata keçirdiyi xüsusi əməliyyat nəticəsində Sakit okeanda narkotik qaçaqmalçılığı ilə məşğul olan gəmi ələ keçirilib.
Korrekt.az xəbər verir ki, əməliyyat zamanı ölkə tarixində ən böyük narkotik partiyası – ümumilikdə 6,6 ton qadağan olunmuş maddə aşkarlanaraq müsadirə edilib. Məlumata görə, götürülən narkotiklərin ümumi bazar dəyəri təxminən 165 milyon dollar təşkil edir.
Uzunluğu 54 metr olan və Tanzaniya bayrağı altında üzən gəmi sahildən 703,7 kilometr məsafədə saxlanılıb.
Gəmidə olan 10 nəfərlik heyətin:
4-ü Kolumbiya,
3-ü Nikaraqua,
2-si Panama,
1-i isə Ekvador vətəndaşı olub.
Faktla bağlı araşdırmalar davam etdirilir.
