Braziliyada 100-dən çox sərnişinin olduğu təyyarədə yanğın baş verib.
Korrekt.az “Shot Telegram” kanalına istinadən xəbər verir ki, Braziliyanın Quarulhos şəhərində hava limanının uçuş-enmə zolağında sərnişin təyyarəsində yanğın baş verib.
Telekanalın məlumatına görə, yanğın təxminən 180 nəfərin olduğu LATAM Brasil Airbus A320 təyyarəsinə keçib.
Hadisə şahidləri bildiriblər ki, əvvəlcə təyyarənin salonu boğucu tüstü ilə dolub, daha sonra pəncərədən alov çıxdığı görülüb. Ekipaj sərnişinlərin təcili təxliyəsinə başlayıb.
Qurbanların sayı barədə hələ də dəqiq məlumat yoxdur.
