Rusiya Tətbiqi Geofizika İnstitutunun məlumatına görə, Günəşdə güclü M1.1 sinifli günəş partlayışı aşkar edilib. Partlayış Moskva vaxtı ilə günorta saatlarında 4373 nömrəli günəş ləkəsi qrupunda qeydə alınıb və alimlər tərəfindən sonuncudan ikinci ən güclü günəş alovu kimi təsnif edilib. Alovlanma 48 dəqiqə davam edib.
Korrekt.az xəbər verir ki, mütəxəssislər yaxın günlərdə daha intensiv günəş alovlanmalarının gözlənilmədiyini bildirirlər. Proqnozlara görə, geomaqnit sahəsi 13 fevral cümə günü sabit qalacaq, yalnız ayrı-ayrı qeyri-sabitlik dövrləri müşahidə olunacaq. Lakin şənbə günü Yer kürəsində geomaqnit dalğalanmalarının güclənməsi ehtimalı var.
Qeyd edək ki, daha əvvəl Günəşin digər bir bölgəsi güclü alovlanmaların sayına görə 21-ci əsrin rekordunu qırmışdı. 4366 nömrəli Günəş ləkəsi qrupu son 25 ildə ən yüksək aktivlik artımını nümayiş etdirərək, əvvəlki rekord olan 3664 nömrəli qrupu geridə qoymuşdu. Həmin qrup M səviyyəli və daha yüksək 64 güclü alovlanma yaradaraq 20 ilin ən böyük maqnit fırtınasına səbəb olmuşdu. Bu aktivlik artımından sonra alimlər Günəşin daha bir sabitləşmə dövrünə daxil olacağını bildirirlər.
