İslam İnqilabı Keşikçiləri Korpusunun (İİKK) Quru Qoşunları İranın qərbindəki separatçı kürd terrorçu qruplara ağır əməliyyat zərbəsi endirdiyini, 15 kürd terroçusunu həbs etdiyini, silah və avadanlıqları ələ keçirdiyini bildirib.
Korrekt.az xəbər verir ki, İİKK-nın Quru Qoşunlarının Həmzə Seyyid əl-Şuhada bazası verdiyi açıqlamada bildirib ki, kəşfiyyat bölmələri tərəfindən aparılan kəşfiyyat monitorinqindən sonra bazar ertəsi günü İranın qərbindəki Kürdüstan əyalətində keçirilən əməliyyatda terror aktları törətmək niyyətində olan separatçı terrorçu qruplarla əlaqəli muzdlu ünsürlər hədəfə alınıb.
Əməliyyat zamanı AK-47 tüfəngləri, tapançalar, sursatlar, hərbi qumbaralar, saxta şəxsiyyət sənədləri və Starlink peyk rabitə avadanlığı da daxil olmaqla əşyalar aşkar edilərək müsadirə edilib, eyni zamanda dörd nəfər həbs edilib.
Bəyanatda həmçinin İİKK-nın qərargahının terrorçu elementlərin hərəkətləri üzərində tam kəşfiyyat nəzarəti apardığı və İranın şimal-qərb bölgələrinin təhlükəsizliyinə qarşı hər hansı bir hərəkətin qətiyyətli və təəssüf doğuran cavabla qarşılanacağı vurğulandığı bildirilir.
