Korrekt.az xəbər verir ki, İranın energetika naziri Abbas Əliabadi, ölkədəki quraqlıq səbəbindən su böhranının davam etdiyi bir dövrdə, yağışı tətikləmək məqsədilə pilotsuz uçuş aparatları (PUA) ilə bulud səpmə işlərinin həyata keçirildiyini açıqlayıb.
Ölkədə quraqlığa qarşı mübarizə çərçivəsində həyata keçirilən bulud səpmə tədbirlərinin genişləndirildiyi bildirilib. Energetika naziri Əliabadi, parlamentdəki çıxışında bu əməliyyatların həcmi və nəticələri barədə ətraflı məlumat verib. O, bu tədbirlərin artıq daha sistemli, elmi və məlumatlara əsaslanan şəkildə həyata keçirildiyini vurğulayıb.
Nazir bildirib ki, 2018-ci ildə ölkənin 31 əyalətində 61 pilotsuz təyyarə əməliyyatı həyata keçirilib və 2000 saatlıq quru əməliyyatı aparılıb. Əliabadi, bulud səpmə əməliyyatlarının xüsusilə Urmiya gölü, Zəyəndə Rud, Tehran, Əlborz, Fars və Xorasan bölgələrində cəmləşdiyini qeyd edib.
Bundan əlavə, nazir, yeni su ilinə uyğun olaraq bu bölgələrdə bulud səpmə fəaliyyətlərinin davam etdiyini və yağış tətikçilərinin daha məqsədli şəkildə işlədiyini bildirib.
