İspaniyanın “Real Madrid” klubu baş məşqçi postu üçün əsas namizədlərdən biri kimi portuqaliyalı mütəxəssis José Mourinho ilə danışıqlara başlayıb.
Korrekt.az The Athletic nəşrinə istinadən xəbər verir ki, “Kral klubu”nun prezidenti Florentino Pérez yay aylarında komandanın hazırkı baş məşqçisi Álvaro Arbeloa ilə yolları ayıraraq Mourinyonu təyin etməyi planlaşdırır.
Hazırda Portuqaliyanın Benfica klubunu çalışdıran Mourinyonun müqaviləsində 3 milyon avro məbləğində təzminat maddəsi yer alır. Əgər müqavilə birtərəfli qaydada ləğv olunarsa, bu məbləğin Madrid təmsilçisi tərəfindən ödənilməsi tələb olunacaq.
Qeyd edək ki, José Mourinho daha əvvəl 2010–2013-cü illərdə Real Madrid klubuna rəhbərlik edib. Onun rəhbərliyi altında komanda İspaniya çempionluğu, ölkə kuboku və Superkuboku qazanıb.
