Pakistan, Səudiyyə Ərəbistanı, Misir və Türkiyə birgə bəyanat yayıblar və Ər-Riyaddakı Kral Xalid Beynəlxalq Hava Limanına edilən hücumlar da daxil olmaqla, Səudiyyə Ərəbistanına qarşı Husi hücumlarını qətiyyətlə pisləyiblər.
Bəyanatda hücumların mülki şəxslərin ölümünə və yaralanmasına, eləcə də mülki infrastruktura ziyan dəyməsinə səbəb olduğu qeyd edilib. R4 qrupu Ər-Riyadla həmrəylik ifadə edib və ölkənin suverenliyini və təhlükəsizliyini qorumaq üçün qanuni tədbirlər görmək hüququnu dəstəkləyib.
Bəyanatda iştirak edən tərəflər hücumların nəticələrinə görə husilərin məsuliyyət daşıdığını bildirib və hücumlara dərhal və qeyd-şərtsiz son qoyulmasını tələb ediblər.
