Rusiya prezidenti Vladimir Putinin mətbuat katibi Dmitri Peskov, ABŞ-ın Cenevrədə yekunlaşan sülh planının parametrlərini Rusiyaya təqdim etdiyini bildirib. Korrekt.az xəbər verir ki, Peskov bu barədə jurnalistlərə açıqlama verib.
Peskov qeyd edib ki, sülh planının əsas parametrləri artıq açıqlanıb və bu məsələnin müzakirələri növbəti həftə Moskvada keçiriləcək. Kreml sözçüsü, həmçinin bu müzakirələrin çox vacib olduğunu və gələcəkdə münaqişənin nizamlanmasına dair daha ətraflı məlumat veriləcəyini vurğulayıb.
Amerika və Ukrayna nümayəndə heyətləri arasında Cenevrədə aparılan danışıqların yekunlaşdırılmasından sonra, bu sülh planının Rusiya ilə bölüşülməsi beynəlxalq münasibətlərdə yeni bir mərhələnin başlanğıcı kimi qiymətləndirilir.
