“Qarabağ”ın futbolçusu Nəriman Axundzadənin ABŞ-nin “Kolumbus Kryu” klubuna keçidi rəsmən təsdiqlənib.
Korrekt.az xəbər verir ki, bu barədə Ağdam təmsilçisinin rəsmi saytı məlumat yayıb.
Qarşı tərəflə aparılan danışıqlar yekun mərhələyə çatıb və tərəflər arasında razılıq əldə olunub.
“Mövcud razılaşmaya əsasən, futbolçuya qarşı tərəf ilə şəxsi müqavilə şərtlərinin müzakirə edilməsinə icazə verilib. Prosesin növbəti mərhələləri ilə bağlı əlavə məlumat rəsmi şəkildə ictimaiyyətə təqdim olunacaq”, – deyə məlumatda qeyd olunub.
