İraqın ədliyyə orqanları SEPAH-ın “Qüds” xüsusi təyinatlı dəstəsinin komandiri Qasim Süleymaninin öldürülməsi ilə bağlı ittiham aktı hazırlayıb.
Korrekt.az xəbər verir ki, bu haqda İranın Məhkəmə-Ədliyyə orqanının beynəlxalq məsələlər üzrə sədr müavini Naser Sirac bildirib.
Lakin o, konkret kimin ittiham olunduğunu açıqlamayıb.
Siracın sözlərinə görə, Süleymaninin işi ilə bağlı araşdırma İran və İraqın məhkəmə orqanları tərəfindən aparılır.
Qasim Süleymani 2020-ci il yanvarın 3-də Bağdadda ABŞ-nin hədəf aldığı hava hücumları nəticəsində öldürülüb.
