Bu gün səhər saatlarında İranın İraq Kürdüstanı bölgəsinin mərkəzi Ərbilə iki pilotsuz uçuş aparatı (PUA) ilə zərbə endirdiyi bildirilir.
Korrekt.az İran mediasına istinadən xəbər verir ki, iki “Hadid-110” hücum dronu İraq Kürdüstanı bölgəsinin baş naziri Məsrur Barzaninin ofisini və bölgənin təhlükəsizlik rəsmisinin Ərbildəki iqamətgahını hədəfə alıb.
Yerli hakimiyyət orqanlarının məlumatına görə, hücum nəticəsində xəsarət alan olmayıb.
Kürdüstan Bölgəsinin Terrorla Mübarizə Baş İdarəsi hadisəni pisləyib və hücumun nəticələrinə görə məsuliyyətin onu həyata keçirənlərin üzərində olduğunu bildirib.
