Sumqayıtda gənc oğlan futbol oynadığı yerdə qəfildən ürəyi dayandığı üçün dünyasını dəyişib.
Korrekt.az xəbər verir ki, hadisə aprelin 18-i axşam saat 20 radələrində Bulvar küçəsində yerləşən futbol meydançasında qeydə alınıb. Şəhər sakini olan 21 yaşlı Müsü Etibar oğlu Alıyev yoldaşları ilə futbol oynadığı zaman qəfil halı pisləşərək yerə yıxılıb və vəfat edib.
İlkin məlumatlara görə, gəncin ölümünə ürəktutması (infarkt) səbəb olub. Hazırda hadisənin dəqiq səbəblərinin müəyyənləşdirilməsi üçün Sumqayıt Şəhər Prokurorluğunda araşdırmalar davam etdirilir. Meyitin ekspertizası və hadisə şahidlərinin ifadələri əsasında yekun rəy veriləcək. (qafqazinfo)
