Korrekt.az xəbər verir ki, Əfqanıstan İslam Əmirliyinin sözçüsü Zəbihullah Mücahid bildirib ki, hazırkı Əfqanıstan hökuməti ölkədəki etnik azərbaycanlıların, ümumilikdə Qızılbaş kimi tanınanların tam hüquqlarını təmin edəcək.
Onun sözlərinə görə, qızılbaşlar Azərbaycan-Əfqanıstan münasibətlərinin möhkəmləndirilməsində fəal rol oynaya bilərlər.
“Buradakı digər xalqlarımız – məsələn, özbəklər – Özbəkistanla, taciklər Tacikistanla və puştunlar Durand xətti boyunca yaxşı münasibətlər qurduqları kimi, Qızılbaş qardaşlarımız da Azərbaycanla Əfqanıstan arasında yaxşı münasibətləri təmin edə bilərlər”, – deyə o, əlavə edib.
