ABŞ prezidenti Donald Tramp rüsumlardan əldə edilən gəlirlər hesabına ölkədəki hər bir amerikalıya – ən zəngin təbəqə istisna olmaqla – 2000 dollar ödəməyə söz verib.
Korrekt.az xəbər verir ki, bu barədə Tramp özünün “Truth Social” hesabında məlumat verib. O, paylaşımında yazıb:
“Tariflərə qarşı çıxanlar sadəcə axmaqdırlar. Biz indi dünyanın ən zəngin və ən hörmətli ölkəsiyik. İnflyasiya demək olar ki, sıfıra enib, birjalarda səhmlərin qiymətləri rekord həddə çatıb. ABŞ-a rekord həcmdə investisiyalar yönəlir, ölkənin hər yerində fabrik və zavodlar açılır”.
Prezident həmçinin qeyd edib ki, qarşılıqlı idxal tariflərindən əldə edilən gəlirlər 37 trilyon dollarlıq dövlət borcunun ödənilməsinə imkan yaradır.
