Acun Ilıcalının sahibi olduğu “Hull City” 10 illik fasilədən sonra Premyer Liqaya qayıdışını böyük transfer xərcləri ilə qeyd edib. İngiltərə klubu yay transfer dönəmində 18 futbolçu ilə müqavilə imzalayaraq heyətinə ciddi investisiya yatırıb.
Acun Ilıcalının sahibi olduğu “Hull City” yeni mövsüm öncəsi transfer bazarında ən fəal klublardan biri olub.
10 illik fasilədən sonra İngiltərə Premyer Liqasına yüksələn “Hull City” heyətini gücləndirmək üçün böyük məbləğdə vəsait xərcləyib. Klubun transfer siyasəti həm İngiltərə mətbuatının, həm də dünya futbol ictimaiyyətinin diqqətini çəkib.
Yay transfer dönəmində həyata keçirdiyi transferlərə görə “Hull City” dünya üzrə ən çox vəsait xərcləyən klublar sırasında yer alıb.
Acun Ilıcalının sahibi olduğu İngiltərə klubu ümumi transfer xərclərinə görə dünyada 11-ci pillədə qərarlaşıb.
Baş məşqçi Sergej Jakiroviçin rəhbərlik etdiyi komanda yay transfer dönəmində heyətinə 18 yeni futbolçu cəlb edib.
Məlumata görə, “Hull City” bu transferlərə ümumilikdə təxminən 176 milyon avro vəsait xərcləyib.
Heyətin dəyəri 253 milyon avroya çatdı
Transferlərdən əvvəl təxminən 60 milyon avro dəyərində olan “Hull City”nin heyətinin bazar qiyməti yeni transferlərdən sonra əhəmiyyətli dərəcədə yüksəlib.
Hazırda İngiltərə klubunun heyətinin ümumi dəyərinin 253 milyon avro olduğu bildirilir.
Beləliklə, komandanın heyət dəyəri qısa müddət ərzində təxminən 4 dəfə artıb.
“Hull City”nin transfer siyasəti İngiltərə mediasında da geniş müzakirə olunur. Ölkənin aparıcı media qurumları klubun Premyer Liqadakı ilk mövsümü öncəsi həyata keçirdiyi transferlərə xüsusi diqqət ayırıb.
Acun Ilıcalının müxtəlif canlı yayımlara qoşularaq klubun transfer siyasəti və yeni mövsümlə bağlı planlarından danışması da İngiltərə futbol mediasında maraqla qarşılanıb.
Böyük transfer xərcləri ilə diqqət çəkən “Hull City”nin Premyer Liqada necə nəticə göstərəcəyi isə mövsümün əsas maraq doğuran məsələlərindən biri olacaq.
