Türk dünyasının elmi və mədəni təməl daşlarından biri olan Bakı Türkologiya Qurultayının 100-cü ildönümü, İstanbulda keçirilən beynəlxalq simpoziumla qeyd olundu. KİAMP-Qarabağ Azərbaycandır Koordine Etmə Dərnəyi və Dünya Gənc Türk Yazarlar Birliyinin (DGTYB) rəhbərliyi, Türk Ədəbiyyatı Vəqfinin (TEDEV) ev sahibliyi ilə baş tutan tədbirdə birəsrlik mirasın gələcəyə daşınması hədəfləndi.
Proqramın açılış nitqi ilə çıxış edən KİAMP Türkiyə Respublikası Baş Koordinatoru Dr. Elvin Abdurahmanlı qurultayın Türk dünyasının inteqrasiyasındakı kritik roluna toxunaraq bu mənalı açıqlamanı verdi:
“1926-cı ildə Bakıda təməli qoyulan ortaq məfkurə, bu gün bizim yolumuzu işıqlandırmağa davam edir. Bu simpozium keçmişin mirasını gələcəyin vizyonu ilə birləşdirmə qətiyyətimizin bir təzahürüdür. Dərnəyimiz daxilində qurduğumuz strateji mərkəz və akademik şuralarımızla Türk dünyasının elmi dərinliyini qlobal miqyasda təmsil etməkdə qərarlıyıq. Bu gün burada toplanan dəyərli heyət, birəsrlik Türkologiya yürüşünün müasir dünyadakı sarsılmaz səsidir.”
Açılışda söz alan DGTYB Başqanı İntiqam Yaşar, Türk dünyasının gənc qələm sahiblərinin bu mirasa sahib çıxacağını vurğulayaraq birlik mesajı verdi. Proqramın moderatorluğunu üzərinə götürən Dr. Caner Karakuş isə akademik dərinliyin önəminə diqqət çəkərək iclası uğurla idarə etdi və KİAMP-ın beynəlxalq bir təşkilat olaraq sərhədləri aşan fəaliyyətlərini və qlobal diplomatiya şəbəkəsindəki effektiv rolunu xüsusilə qeyd etdi.
Tədbir Türk dünyasının birliyini təmsil edən çox sayda önəmli ismi bir araya gətirdi. Protokol çıxışlarında aşağıdakı şəxslər yer aldı:
* E. Vali Həsən Hüseyn Can: Türkologiyanın dövlətlərarası əlaqələrdəki birləşdirici gücünü xatırladaraq, bu növ akademik işlərin mülki və inzibati yaddaş üçün böyük önəm daşıdığını bildirdi.
* Konsul Yerjan Uasis (TÜRKSOY İstanbul Təmsilçisi): Türk dünyasının ortaq mədəniyyət çətiri altında birləşməsinin strateji bir zərurət olduğunu ifadə edərək, simpoziumun mədəni irsə töhfələrini yüksək qiymətləndirdi.
* Rafet Ulutürk (Bultürk Dərnəyi Başqanı): Balkanlar və Türk dünyası arasındakı bağların gücləndirilməsi vurğusunu etdi.
* Serhat Kabaklı (TEDEV Başqanı): Vəqfin mədəni irsi qoruma missiyası və simpoziumun önəmindən bəhs etdi.
* Hüsamettin Taştemir (Bursa Arena Qəzeti Rəhbəri): Medianın Türk dünyasındakı mədəni qarşılıqlı əlaqələri çatdırmaqdakı rolunu paylaşdı.
* Hikmət Elp (Azərbaycan Kültür Evi Başqanı): Azərbaycan və Türkiyə arasındakı sarsılmaz qardaşlığa diqqət çəkdi.
* Əhməd Tecim (Gəncliyə Yardım Fondu Başqanı): Gəncliyin mədəni və akademik inkişafına verilən dəstəyin önəmini vurğuladı.
Simpoziumda KİAMP-Karabakh is Azerbaijan Milli Platform T.C. Baş Koordinatorluğu nəzdindəki Qarabağ Azərbaycandır Koordine Etmə Dərnəyinin beynəlxalq kimliyi və elmi mərkəz olduğu vurğulandı. Dərnəyin fəaliyyət istiqamətləri iştirakçılara aşağıdakı başlıqlarla təqdim edildi:
* Akademik Fəaliyyətlər: Türk dünyasının ortaq tarix və mədəniyyət mirasını elmi platformalarda işıqlandıran beynəlxalq konqres və nəşr işləri.
* Strateji Mərkəz: Regional geopolitik analizler hazırlayan və Türk Dövlətləri Təşkilatının vizyonuna töhfə verən strateji araşdırma layihələri.
* Təhsil və Simpoziumlar: Gənc tədqiqatçıları və magistrant/doktorantları təşviq edən, nəzəri bilikləri təcrübəyə daşıyan təlim seminarları və mütəmadi simpoziumlar.
Protokol çıxışlarından sonra elmi sessiyaya keçildi. Araşdırmaçı-yazar Orhan Aras, Bakı Dövlət Universitetinin doktorantı Mələykə Mirzəlii və Mərmərə Universitetinin magistrantı Miray Erentürki Türkologiya mövzusunda aktual və akademik məruzələrini təqdim etdilər.
Simpozium; aparıcı tələbələr Elnarə Məmmədrzayeva və İsa Quluzadənin uğurlu təqdimatları ilə iştirakçıların suallarının cavablandırılması, akademik töhfə verən şəxslərə sertifikatların təqdim olunması və bu tarixi günü əbədiləşdirən xatirə fotosunun çəkilişi ilə uğurla başa çatdı.
