Elm və Təhsil Nazirliyinin Yüksək Texnologiyalar Parkında qurulan “SABAH.city” innovasiya şəhərciyinə rəhbər təyinatı baş tutub.
Yurd.Media-nın əldə etdiyi məlumata görə, Nihat Məcidov “SABAH.city”nin baş direktoru (CEO) vəzifəsinə təyin olunub.
O, eyni zamanda 2024-cü ilin iyun ayından Yüksək Texnologiyalar Parkının baş icraçı direktorudur.
N. Məcidov bundan əvvəl 2024-cü ilin yanvar-iyun aylarında “SABAH.HUB”da strategiya və layihələrin idarə edilməsi ofisinin rəhbəri (Head of Strategy & PMO) vəzifəsində çalışıb.
Nihat Məcidov 2021-ci ilin sentyabrından 2024-cü ilin yanvarınadək “McKinsey & Company” şirkətində fəaliyyət göstərib. O, burada əvvəlcə biznes analitikinin köməkçisi, daha sonra isə biznes analitiki vəzifələrini tutub.
O, həmçinin “KPMG Azerbaijan” şirkətində sövdələşmələr üzrə məsləhət xidmətləri departamentində təcrübəçi və mütəxəssis, “Procter & Gamble” şirkətində satış, bazar strategiyası və planlaşdırılması üzrə yay təcrübəçisi, “EY” şirkətində isə biznesin qiymətləndirilməsi, maliyyə modelləşdirilməsi və iqtisadiyyat sahələri üzrə təcrübəçi kimi çalışıb.
